•Ақл билан севмоқ — ҳавво هَوَى
•Қалб билан севмоқ — ишқ عَشْقٌ
•Кўнгил билан севмоқ — севги حُبٌّ
•Нафс билан севмоқ — ҳавас هَوَسٌ
•Садоқат билан севмоқ — вафо وَفَاءٌ
•Бутун борлиғи билан севмоқ— иймон إِيمَان

Бугун якшанба, дангасалик куни.

Хитойдаги “бот ферма” мана шундай ишлайди. Булар интернетдаги сунъий фаолият учун яратилган. Инстаграммдаги лайкларни ёки телеграмм каналлардаги “ўлик” подписчиклар сонини ортириш учун кўплаб смартфонлар ишлатилади.

4-5 кунда телеграмм канал обуначилар сонини 10.000 гача етказиб беришади. Кўплаб ўзимизнинг каналлар ҳам шунақа фаолият юрғизишади.

📸 Қизиқарли жараён

Тажрибали фотографлар видео дурдоналар яратишмоқда. Бизда ҳам дизайн факультетлар бормиди…

Бошдаги жаҳаннам: бўлажак қамоқхона лойиҳаси тақдим этилмоқда, унда маҳбус қамоқда йиллаб эмас бир неча дақиқа вақт ўтказади. Жиноятчилар ўз қурбонларига берган азиятни ўзлари ҳам ҳис қилиб тўлалигича буни бошдан охиригача яшаб ўтишади.

Cognify-ни яратиш ғояси 33-ёшли яманлик молекуляр биотехнолог Ҳошим Ал-Гайлидан келиб чиққан. Хусусан, у маҳбусларга мия имплантларини ўрнатиш ва уларга VR кўзойнакларини қўйишни таклиф қилди. Унинг режасига кўра, нейротармоқ маҳкумга жиноят видеосини кўрсатади, имплант эса жабрланувчининг оғриғи ва изтиробини ҳис қилдиради.

“Хотиралар” жиноятнинг оғирлиги ва ҳукмига қараб мослаштирилади. Гарчи жараён "бир неча дақиқа давом этса-да, жиноятчига йиллардек туюлади", дейди олим. Мутахассиснинг фикрича, маҳбуснинг онгида "вақт ҳақиқий ҳаётдагидан бошқача, секинроқ ўтади".

Кутубхонадаги бир воқеа…

Миясиз гўзаллик шунчаки бўш қобиқдир. Муваффақиятнинг ҳақиқий устунлари бу ақл ва мазмундир.

Дунёни энди янги эпидемия қамраб олмоқда - юқори технологияли фейклар эпидемияси.

Сунъий интеллект (AI) ёрдамида фирибгарлик бутун дунё бўйлаб ажойиб суръатларда ўсиб бормоқда.

2022-йилга нисбатан 2023-йилда Филиппинда AI фирибгарликлари (одатда дипфейк) 4500 фоизга ошди! Вьетнамда ўсиш 3000% дан ортиқ, Японияда - 2800% ни ташкил этди.

Тўрт хонали ўсиш суръатлари АҚШ, БАА, Жанубий Африка ва кўплаб Европа мамлакатларида ҳам қайд этилган.

Журналист шаҳид Иброҳим Раисийдан бойлиги ва мол-мулки ҳақида савол сўраганда, марҳум Раисий шундай жавоб берди:

"Мен президентлик вазифамни бошлашдан олдин мамлакатнинг олий раҳбарига ва ундан кейин давлатнинг Олий судига барча мол-мулкимнинг рўйхатини тақдим этганман. Менинг 140 квадрат метрлик битта уйим бор, тамом. Бошқа уйим ҳам, ҳеч қаерда виллам ҳам, чет элда банк ҳисобим ва валютам ҳам йўқ "...

П.С. Қизиқ, қаердадир ўқигандим, қайсидир халифа вазифага киришишдан олдин ва кейин шаҳарга қандай кирган бўлса чиқаётган вақтда ҳам шундай битта отда чиққанмуш. 1000 йил ўтиб бир давлат президенти вазифасини бошлашдан олдин судга мол-мулки ҳақида ҳисобот бермоқда. Сўнгги асрда буни одатда Ғарбликлар қиларди, энди эса бир Шарқ давлати раҳбари. Ён атрофдаги воқеаларни кўриб нима дейишга ҳам ҳайронман….

Бемор атиги 20 ёшда бўлиб, саратон касаллигига чалинган бўлади. У реанимация бўлимига ётқизилганида онаси вафот этади.

Бемор онаси нега энди унга овқат олиб келмаётгани ҳақида сўрайди, олдинлари унга учрашувлар тақиқлангани айтилганди.

Ҳаёт жуда шафқатсиз! Қоғозда форс тилида шундай ёзилган: “Бемор онасининг вафот этганини билмайди”.

Ўзингизни асранг.

Жамшеджи Нуссерванжи Тата (1839-1904) Ҳиндистоннинг энг йирик конгломерат компанияси бўлган Тата Групга асос солган илк ҳинд саноатчиси эди. Бир неча сўровлар ва рейтинг рўйхатлари бўйича асрнинг энг йирик хайриячиси номини олган Тата, Жамшедпур шаҳрига ҳам асос солади. У Ҳиндистон саноатининг отаси сифатида қабул қилинган.

Гужарат штатининг 9-чи катта шаҳри Навсарийда зардуштий “Порсий” оиласида туғилади, унинг оиласи Персиядаги (ҳозирги Эрон) қувғинлардан қочиб, Ҳиндистондан бошпана топишади.

Порсийлар (форсийлар) Ҳиндистон яриморолидаги зардуштийлик динига эътиқод қилувчи этнодиний гуруҳдир. Улар Форс империясини араблар истило қилганда ва ундан кейин (илк мусулмон истилоларининг бир қисми) диний таъқиблардан қутулиш учун Ўрта аср Ҳиндистонига кўчиб келган форслардандир.

Порсийлар Ҳиндистон яриморолидаги иккита зардуштий жамоанинг энг эскилари бўлиб, иккинчиси эса эронийлар бўлиб, уларнинг ота-боболари Қожор давридаги Эрондан Британия ҳукмронлигидаги Ҳиндистонга кўчиб келгандир.

Жамшеджи Тата руҳонийлар оиласидан бўлишига қарамай бу анъанани бузади ва у ўз оиласидаги биринчи тадбиркорга айланади, Мумбайда экспорт савдо фирмасини ташкил этади. Татанинг таълими ўзининг Ғарб таъсири билан ажралиб турарди, у ақлий арифметикада ҳам ажойиб қобилиятлари билан ажралиб турарди. Тата Мумбайдаги Элфинстон коллежини “Яшил олим” сифатида тамомлаган.

П.С. Тошкентда скверга яқин қурилган илк отеллардан бири ҳам айнан Ҳиндистоннинг “Тата Груп” томонидан қурилганди. Жаноб Тата ҳақида ажойиб таълим билан боғлиқ ҳикояни кейинги постимда келтираман.

Жаноб Ж.Н. Тата Германияга Свами Вивекананда билан бир кемада саёҳат қилади. Саёҳат давомида жаноб Тата Ҳиндистоннинг турли бурчакларидан Германияга тупроқ намуналарини олиб, улардаги темир миқдорини ўлчаш ниятини билдирди. Свами Вивекананда шубҳа билан жавоб беради ва европаликлар Ҳиндистоннинг кучли бўлишини истамаганликлари сабабли Ҳиндистоннинг салоҳиятини тўғри баҳоламасликлари мумкинлигини айтади.

Свами Вивекананда муқобил ёндашувни таклиф қилди: жаноб Тата чет эл ёрдамига таянгандан кўра, Ҳиндистонда тадқиқот университети ва коллежини ташкил этиб, улар ҳиндларнинг ўзларини тупроқда таҳлил қилиш ва синовларни ўтказишга ўргатишлари кераклиги айтади. У жаноб Татага Майсор қироли маҳараджа H.R.H-дан ёрдам сўрашни маслаҳат берди. Водеяр, илгари Свами Вивекананданинг Динлар парламенти учун Чикагога бориб келиши учун ҳаражотларига ҳомийлик қилганди.

Қайтиб келгач, жаноб Тата Свами Вивекананданинг маслаҳатига амал қилади ва Майсор қиролининг олдига боради. Свами Вивекананданинг сўзлари тўғри чиқди, қирол Ҳиндистон Фан институти номи билан машҳур бўлган тадқиқот муассасаси ва коллежини ташкил этиш учун Татага 370 гектар ер беради.

Архивларда сақланаётган жаноб Тата ва Свами Вивекананда ўртасидаги ёзишмалар Татанинг Ҳиндистонга нафақат технология олиб келиши, балки ҳиндларга ушбу технологияни сақлаб қолиш ва ривожлантириш учун куч ва умид берганлигини кўрсатади.

Буюк одамларнинг узоқни кўрган ҳаракатлари Ҳиндистон келажагини шакллантиришда ҳал қилувчи аҳамиятга эга эди. Бизда ҳам узоқни кўра ва била оладиган ва ўз вақтида амалий ҳаракат қила оладиган буюк Таталар керак!